காதல் பாட்டு

பூத்திடும் மலர்கள் தோற்றிடும் வகையில் 

புன்னகை செய்யாதே -நான் 

பார்த்திடும் கணங்கள் பறித்திடும் வகையில் 

மின்னல் ஆகாதே-யாழ்ப் 

பாணத் தமிழில் வரைந்திடும் காதல் 

கவிதை உனக்காக 

ஏழாலை மண்ணின் பசுமைகள் சொல்லும் 

உவமைகள் உனக்காக 

நிலாவரை மிஞ்சும் எந்தன் காதல் ஆழம் 

மாதகல் முரலாய் எந்தன் காதல் மின்னும் !

வரணிப் பானியிலேயான பனங்கட்டி -என் 

உறக்கம் பாதியிலே பறித்தாய் நீ தட்டி 

பிரயாணம் போகையிலே எனைக் கட்டி 

வருமானம் தந்தாயே முத்தக் கட்டி 

சுன்னாகத்து மின்சாரம் உன்னை கடன் கேட்கும் 

சரசாலை மாம்பழத்தின் சுவை தோற்கும்! 

காரைநகர் கடல் போயி காதல் செய்வோம் -எம் 

ஈழத்து சிவன் கோவில் வரம் பெறுவோம் 

மயிலிட்டி சுறா போல் குதிக்காதே -நாம் 

ராஜா போய் வருவோம் முறைக்காதே 

எழுத்துருவாக்கம் 

கவிஞர் அகரமுதல்வன்   

மீண்டும் மற்றுமொரு பதிவினூடாகச் சந்திக்கின்றேன்,
அன்புடன், 
ஹரி பாபு.