செந்தீயை மூட்டு தமிழா !

எங்களின் கலைகள் எங்களின் தலைகள் 

என்ன தான் ஆயிற்று ?-இன்று

ஏய்ப்பவர் தலமையில் எங்களின் வாழ்வு 

ஏன் தான் வந்தாச்சு ?

 

எத்தனை செய்கிறார் என்னவெலாம் ஏவுகிறார் 

அத்தனை தீங்குகளும் எம்மிடையே 

இத்தனை வலிகளும் எம்மையே ஆண்டும்

எம்மிடம் தோற்றது வலிகள் தானே !

 

முந்திய வேள்வியில் வீழ்ந்தவர் யாரினும் 

சிந்திய குருதிகள் வீணாகுமோ?

பிந்திய கனவுகள் என்றொரு நாளில்-செந் 

தீயாய் எழுந்து வராதோ !

 

மதுரைப்புழுதி வளர்த்த தமிழ் மறைந்துபோகுமோ 

பாலை நிலம் சுமந்த வீரம் மறைந்து போகுமோ 

உதிரம் சிந்தி தமிழ் காப்போம் -இன்ப

தமிழ் சுமப்போம் !  

 

எழுத்துருவாக்கம் 

கவிஞர் அகரமுதல்வன்   

மீண்டும் மற்றுமொரு பதிவினூடாகச் சந்திக்கின்றேன், 
அன்புடன், 
ஹரி பாபு.